✍️ किरण तिवारी
नागोया/ जापान

२ लाख ५० हजार नेपालीको संख्या नाघेको जापानमा हुण्डीको कारोवार झनैं मौलाएको छ। जस्का कारण जापानमा रहेको नेपाली दुतावासले सुचना नै प्रकाशन गरेर हुण्डी गर्नेको विवरण उपलब्ध गराउन सबैमा अनुरोध गरेको छ।दूतावासको सूचनामा भनिएको छ, Asia-Pacific Group on Money Laundering (APG) को Financial Action Task Force ले नेपाललाई Jurisdiction Under Increased Monitoring (Grey list)मा राखेको, लिष्टबाट बाहिरिन शीघ्र सुधारात्मक क्रियाकलापको विस्तृतीकरण,२०८२ अनुसार “विदेशमा रही अनौपचारिक रुपमा विप्रेषणको काम/कारोबार गरेको वा संकलित रकम नेपाल नपठाएको गोप्य सूचना अर्थ मन्त्रालय वा सम्बन्धित निकायममा विद्युतीय माध्यामबाट पठाउने प्रणालीगत व्यवस्था गर्ने” भन्ने भएकोले जापानमा यस्तो काम/कारोबार गर्ने, गराउनेको बारेमा गोप्य जानकारी दिन भनिएको छ।

हुण्डीका कारण नेपाललाई ग्रे लिष्टबाट हटाउने कार्यमा सहयोग पुर्याईदिन हुन अनुरोध गरिन्छ यहाँहरुले दिनुभएको जानकारी अत्यन्त गोप्य रहने व्यहोरा समेत अनुरोध गरिन्छ दुतावासको सुचनामा भनिएको छ।

हुण्डीका कारण नेपाल सरकार मात्र होईन . हुण्डी गर्नेहरु पनि ठगिएका छन्। डुण्डीमा चिनेजानेका बाटै नेपालीहरु ठगिएका छन्। बल्ल चल्ल दुःख गरेर केहि पैसा नेपाल पठाउन खोज्यो, राम्रो रेटको प्रलोभनमा हुण्डी ( जुन बैधानिक छैन) दलालले पैसा नेपालमा नदिई लापत्ता हुन्छ। यस्ता पिडितहरु अनगिन्ती छन् ।जापानको नागोयालाई कर्मथलो बनाएर सामाजिक कृयाकलापमा कृयाशिल दिपक कार्कीका अनुसार नेपालीले नेपालीलाई नै ठग्ने गरेका छन्। नागोया क्षेत्रमा यतिबेला हुन्डी मार्फत पैसा नेपाल पठाइ दिन्छु भन्दै धेरै रकम सङ्कलन गरी हुण्डी वाला सम्पर्क विहीन भएको तथ्य बाहिर आई रहेको छ। नेपालबाट विद्यार्थी भिसामा जापान आउनेहरूलाई बैधानिक रुपमा नेपाल पैसा पठाउँदा भिषामा समस्या आउछ भन्दैं पैसा संकलन गरिएको पिडितहरुले बताएको कार्कीले भने।

पछिल्लो समयमा नेपालमा हुण्डी कारोबार मौलाएको छ । समय–समयमा कारोबारी पक्राउ पर्ने घटनाले भित्रभित्रै हुण्डी कारोबारीको गिरोहले अर्थतन्त्रलाई नै गाँजेको प्रष्ट हुन्छ । एक ठाउँबाट अर्को ठाउँमा अवैध तरिकाले पैसा पठाउने तरिका हुण्डी हो । यसको अर्थ, पैसा पठाउन राज्यले तोकेको बाटो प्रयोग नगरी, गैरकानुनी बाटोको प्रयोग गरी पैसाको कारोबार गरिन्छ ।जापानमा बैंकिङ च्यानल, रेमिट्यान्स सेवा र डिजिटल भुक्तानी माध्यम प्रयोग गरेर पैसाको आदानप्रदान गर्न सहजता छ ।जापानमा हुन्डिको कारोवार बढ्नु दुखद बिषय  हो,यसलाई सरकारले नियन्त्रण गर्नु पर्छ जापानिज मनी एक्सप्रेस (JME) का Executive chairman ओम गुरुडगले भने।